Tlen ik tekipanowah

Itech Tepeyoh Tzonkolikan onkah miak tlamantli tekitl tlen kichiwah altepetlakameh san ken tlaonkah itech inmialtepew.

Nikan seki sekonteixpantis.


Kahwentlatokyoh

Se tekitl tlen miakeh ik tekipanowah yen kahwentlatookah. Panotok ome mil kahwentlatookakeh itech altepemeh Tekilan, Tzonkolikan iwan Maktalena.

Inon tlatokyoh kitekipanowah ihkon kemih inwehkakolwan okinmachtihkeh.


Tzotzolihkitinih

Okse tekitl tlen miak ik mopalewiah siwameh yen kiyektlaliah tzotzolichkatzohmitl, ihkon tekipanowah ompa itech altepemeh Tlahkilpan iwan Atzompan. Inon tzotzolli kitlahpalwiah ika tlatlamantli xiwilt iwan xochimeh. Noihki sekimeh tlakameh kichiwah inin tekitl.

Miak tlamantli kichiwah ika inon ichkatzohmitl.


Sokitlachihkeh

Noihki ompa altepemayomeh Tekilan, Atlawilko iwan Tlahkilpan kinchiwah sokikonmeh iwan komaltih.


Ichkapixkeh

pastores de ovejas borregos zongolica

Noihki ompa altepemeh Tewihpanko, Astatzinka iwan Tlahkilpan kinmiskaltiah ichkameh, iwan ihkon kinpalewiah tlen kitekipanowah ichkatzohmitl itech oksekimeh altepemeh.

lana de borrego zongolica


Kinemakah kuawitl

Sekimeh ompa altepetl Tlahkilpan iwan Atlawilko ik mopalewiah kinemakah awakuawitl iwan ilikuawitl, tlen oksekimeh ika motlatlatiliah.

Oksekimeh kikowah kuawitl iwan ik tekolchiwah, ihkon kiwikah kinemakatiweh oksekan altepemeh.