Kanin kahki
Kahki kan killiah Wehweyi Tepeyoh ompa Weyitlali Veracruz, itech Weyialtepetl Mexiko.
Ompa melahka tlakualtzin ika nochipa tlaxoxowixtok.
Ompa powih makuili iwan eyi altepemeh tlen axan nikan sekinteixmachtis.
Atlawilko
Itech altepetl Atlawilko chanchiwah kanah 9824 altepetlakameh, iwan kanah chiknawi mil yehwan tlapowah tomasewaltlahtol iwan pinotlahtol, oksekimeh san yen tomasewaltlahtol.
Inon tokaitl Atlawilko kihtosneki: "kanin petlani atl."
Astatzinka
Ompa altepetl Astatzinka chanchiwah kanah makuili iwan se mil altepetlakameh. Inin altepetl kahki intlahko altepemeh Tlahkilpan iwan Tewihpanko. Itech inon altepetl kitooka tliolli, etolontzin iwan awax.
Kanah makuilimil altepetlakameh tlen ompa chanchiwah tlapowah ika tomasewaltlahtol iwan pinotlahtol, iwan tlen oksekinmeh san kimatih yen tomasewaltlahtol.
Maktalenah
Amo wehka kahki kan ik kateh altepemeh Rafael Delgado, Tekilan iwan Tzonkolikan. Ompa yehwan noihki kitekipanowah kahwentlatokyoh.
Miakeh altepetlakameh tlen ompa chanchiwah tlapowah ika tomasewaltlahtol.
Mixtlan
Itech inin altepetl kateh 41 altpemayomeh, iwan ompa chanchiwah 9572 altepetlakameh. Kahki kan okachi tlawehkapan itech Tepeyoh Tzonkolikan, iwan nochipa tlamixtentok, ikinon okitokayotihken Mixtlan, kihtosneki "ompa kan onkah mixtli."
Los Reyes
Ompa altepetl Los Reyes chanchiwah 5484 altepetlakameh. Amo wehka kittok weyi altepetl Tzonkolikan .
